Privacidade das aplicacións Google da ANPA

Datos e finalidade

Segundo os permisos que se autoricen, as aplicacións poden acceder ao nome e correo da conta Google, ás respostas dos formularios de inscrición e fondo de libros, ás follas de cálculo e documentos asociados, e aos correos e anexos enviados á ANPA. As respostas poden incluír datos de contacto das familias, alumnado e xustificantes.

Estes datos úsanse para xestionar solicitudes, censo, fondo de libros e tesouraría; organizar a documentación; enviar comunicacións da ANPA e confirmar a recepción de formularios ou documentos. Un acuse automático non confirma un pagamento nin substitúe a revisión da directiva.

Acceso e provedores

A directiva e as persoas autorizadas pola ANPA acceden aos datos necesarios para estas tarefas. Google presta os servizos de formularios, follas, documentos e correo. As ferramentas aloxadas en AWS poden gardar e procesar solicitudes, documentos e rexistros de envío. Cando se activa o clasificador de correo con OpenAI, pode enviarse contido do correo para clasificalo e propoñer a súa xestión. O censo e a confirmación de resgardos en Apps Script non necesitan ese clasificador.

Os datos non se venden nin se usan para publicidade. O uso e a transferencia de información recibida das API de Google respectarán a Google API Services User Data Policy, incluídos os requisitos de Limited Use.

Conservación e control

As ferramentas manteñen os rexistros necesarios para a xestión e a trazabilidade. Non hai unha eliminación automática común a todas as aplicacións; a conservación e a retirada revísanse pola ANPA segundo a solicitude e as obrigas aplicables.

Pódese retirar o acceso dunha aplicación desde a configuración de conexións de terceiros da conta Google. Isto impide novos accesos, pero non borra por si só os datos xa recibidos pola ANPA. Para solicitar acceso, rectificación, supresión ou outras actuacións sobre os datos, escribide a anpaiesdebrion@gmail.com.

Actualización: 5 de outubro de 2026.